Англиянинг Лондон шаҳрида 22 июль тунида UFC Fight Night 224 мусобақаси ўтказилади.

Мазкур мусобақада ўзбекистонлик MMA жангчиси Маҳмуд Муродов ҳам иштирок этади. 21 июль куни турнир иштирокчилар тарозидан ўтди.

Ўрта вазн (-84 кг) тоифасида ҳаракат қиладиган Муродов 84,4 кг вазн қайд этди. Қоидаларга кўра, титул учун кечмайдиган беллашувларда жангчиларга дивизион вазн меъёридан 1 фунт (0,45 кг) ортиқча вазн қайд этишга рухсат берилади. Шу тариқа Муродов вазн меъёрни бажарган ҳисобланади. Унинг рақиби Брайан Барберена эса 83,9 кг қайд этган.

Асосий жанг оғир вазн тоифаси вакиллари Том Аспиналл ва Марчин Тибура ўртасида кечади.

Қуйида Асосий кард вакилларининг вазн ўлчаш маросимидаги натижалари билан танишинг:

Том Аспиналл (117 кг) – Марчин Тибура (111,6 кг)
Молли Маккенн (56,7 кг) – Юлия Столяренко (56,7 кг)
Натаниэл Вуд (66,2 кг) – Андре Фили (65,8 кг)
Андре Мунис (83,9 кг) – Пол Крейг (84,4 кг)
Жей Ҳерберт (70,3 кг) – Фарес Зиам (70,3 кг)
Лерон Mёрфи (66,2 кг) – Жош Кулибао (66,2 кг).

UFC Fight Night 224 турнири Ўзбекистон вақти билан 22 июль, шанба куни 21:00 да бошланади. Муродов мусобақанинг прелим кардида иштирок этади. Унинг иштирокидаги жанг 22:00 дан кейин ўтказилади.