Insayder Fabrisio Romanoning xabariga ko‘ra, "Torino" Kiyevning "Dinamo" jamoasiga yarim himoyachi Vladimir Brajkoni sotib olish taklifi bilan murojaat qilgan.
Italiya klubi 21 yoshli futbolchi uchun to‘rt million yevro va bonuslar taklif qilgan, ammo kiyevliklar bunga rozi bo‘lishmagan. “Dinamo” rahbariyati o‘z futbolchisini bunday summaga sotishga tayyor emas.
Eslatib o‘tamiz, o‘tgan mavsumda Brajko "Zarya" jamoasi safida ijara asosida 29 ta o‘yinda maydonga tushib, 7 ta gol urgan va bitta golga assistentlik qilgan. Yarim himoyachi yoshlar o‘rtasidagi Yevropa chempionatida ham o‘zining eng yaxshi tomonlarini ko‘rsatdi.
