Rafael Varan Erik ten Xagning mentaliteti haqida gapirdi.

Avvalroq, "Manchester Yunayted" jamoa sardorini o‘zgartirgandi - Garri Maguayr o‘rniga Bruno Fernandesh sardorga aylandi.

"U jamoa xarakterga ega bo‘lishini xohlaydi, Erikning o‘zi esa yetakchi, shuning uchun u buni o‘z harakatlari bilan namoyish etadi.

U bunday qarorlar qabul qilishdan qo‘rqmaydi va mas’uliyatni o‘z zimmasiga oladi. Murabbiydan aynan shuni kutamiz. Shu tariqa u bizga namuna ko‘rsatadi.

Erik nima istayotganini tushunadi. U qat’iyat ko‘rsatadi va birinchi kundanoq biz nima qilishimiz kerakligini va u qayerga borishni istayotganini aniq bilib oldik.

Shunday ekan, futbolchilar uchun ham, jamoa uchun ham hammasi aniq. Murabbiy bilan munosabatlarimiz yaxshi”, - deydi Rafael Varan.