Kataloniyaning “Barselona” va Turinning “Yuventus” klublari ertaga Toshkent vaqti bilan 07:30da o‘rtoqlik uchrashuvida maydonga tushadi. Marca xabariga ko‘ra, ushbu bahs davomida klublar yarim himoyachi Frank Kessiening ehtimoliy transferini ham muhokama qilishadi.
Eslatib o‘tamiz, "Barselona" ivuarlik futbolchini ushbu transfer oynasida 30-35 million yevroga sotishga tayyor. “Yuventus” avvalroq Kessieni hujumchi Federiko Kyezaga almashtirishni ko‘rib chiqqandi.
Frankning o‘zi "Barselona"ni tark etib, avval "Milan" va "Atalanta"da o‘ynagan A Seriyaga qaytishga rozi.
