"Chelsi" hujumchisi Rahim Sterling klubga Maurisio Pochettino bosh murabbiy etib tayinlanganidan xabar topganda o‘zining birinchi munosabati haqida gapirdi.
Argentinalik mutaxassis “ko‘klr” bilan yana bir mavsumga uzaytirish imkoniyati bilan ikki yillik shartnoma imzoladi.
"Pochettinoning "Chelsi"ga tayinlangani haqida eshitganimda hayajonlandim. Men uning jamoalariga qarshi ko‘p o‘ynaganman va bu qanchalik qiyinligini bilardim. Pochettino qo‘l ostidagi birinchi o‘yin? Nihoyat, ko‘p yillar o‘ynagan odatdagi pozisiyamga qaytdim. Bu juda yoqimli" - dedi Sterling "Brayton"ga qarshi o‘rtoqlik o‘yini oldidan matbuot anjumanida.
