Romelu Lukaku Saudiya Arabistoniga ko‘chib o‘tish niyatida emas va "Yuventus"da o‘ynamoqchi.
Corriere dello Sport nashri xabariga ko‘ra, "Al Hilol" yana belgiyalik hujumchini taklif qilishga uringan, biroq Lukaku bu taklifga qiziqmagan.
Saudiyaliklar futbolchiga ikki yillik 60 million yevrolik shartnoma taklif qilishga va transfer uchun "Chelsi"ga 50 million to‘lashga tayyor edi.
Ar-Riyod klubi Lukakuni ko‘ndira olmadi, chunki Romelu Yevropa futbolida o‘ynashni davom ettirmoqchi va faqat “Yuventus”ga o‘tish haqida o‘ylayapti.
Oldinroq hujumchi “Yuventus” bilan yiliga 8 million yevro maosh bilan 3 yillik shartnoma borasida kelishib olgani haqida xabar berilgandi.
