“Tottenxem” hujumchisi Xarri Keyn “Al-Hilol” uchun nomzodlar ro‘yxatidan joy oldi.
Sky Sports nashri xabariga ko‘ra, "Al-Hilol" allaqachon vositachilar bilan angliyalik hujumchini xarid qilish borasida muzokaralar olib borgan. Muloqot tafsilotlari hozircha noma’lum.
Oldinroq "Bavariya" Keyn bo‘yicha "Tottenxem"ga uchinchi taklif bilan chiqishi haqida xabar berilgandi, chunki avvalgi ikki taklifni "shporlar" rad etgandi.
Qayd etilishicha, Keyn yozda "Tottenxem"ni tark etishi dargumon, jamoa xo‘jayini Daniel Levi o‘z yetakchisini saqlab qolmoqchi.
O‘tgan mavsumda hujumchi barcha turnirlarda 49 ta o‘yinda maydonga tushib, 32 ta gol urdi va 5 ta golli uzatmani amalga oshirdi.
