“Тоттенхэм” ҳужумчиси Харри Кейн “Ал-Ҳилол” учун номзодлар рўйхатидан жой олди.

Sky Sports нашри хабарига кўра, "Ал-Ҳилол" аллақачон воситачилар билан англиялик ҳужумчини харид қилиш борасида музокаралар олиб борган. Мулоқот тафсилотлари ҳозирча номаълум.

Олдинроқ "Бавария" Кейн бўйича "Тоттенхэм"га учинчи таклиф билан чиқиши ҳақида хабар берилганди, чунки аввалги икки таклифни "шпорлар" рад этганди.

Қайд этилишича, Кейн ёзда "Тоттенхэм"ни тарк этиши даргумон, жамоа хўжайини Даниэль Леви ўз етакчисини сақлаб қолмоқчи.

Ўтган мавсумда ҳужумчи барча турнирларда 49 та ўйинда майдонга тушиб, 32 та гол урди ва 5 та голли узатмани амалга оширди.