Saudiya Arabistoni davlat investisiya fondi vakili Madridning “Real” klubi bosh murabbiyi Karlo Anchelottiga mahalliy chempionat klublaridan birida ishlash taklifi bilan chiqdi, deb xabar bermoqda AS.
Manbaga ko‘ra, unga ko‘p million dollarlik shartnoma taklif qilingan, biroq italiyalik mutaxassis qat’iyan rad etgan. Davlat investisiya jamg‘armasi bir qator klublarga egalik qiladi, jumladan, Krishtianu Ronaldu o‘ynayotgan “An-Nasr”.
Eslatib o‘tamiz, avvalroq Braziliya futbol konfederasiyasi prezidenti Ednaldo Rodriges Anchelotti terma jamoani 2024 yilning yozida, murabbiyning “Real” bilan shartnomasi tugaganidan so‘ng darhol boshqarishini aytgan edi.
