"Milan"ning yangi futbolchisi Noa Okafor Italiya klubi bilan shartnoma imzolagani haqida fikr bildirdi.
"Milan" har doim mening orzularim klubi bo‘lgan", - deya futbolchining so‘zlaridan iqtibos keltiradi jurnalist Alfredo Pedulla. “Kichikligimda Kaka va Ronaldinyoning “rossonerilar” libosida o‘ynashiga qoyil qolgandim va o‘tgan yili “San-Siro”da “Milan”ga qarshi “Zalsburg” libosida o‘ynaganimdan katta zavq oldim. Biz uchun o‘sha paytdagi natija halokatli edi, ammo stadiondagi kuch hissi aql bovar qilmaydigan edi. “Rossonerilar” muxlislarining bu ishtiyoqini shaxsan o‘zim boshimdan o‘tkazdim va unga maftun bo‘ldim. O‘tgan yili men "Milan"ga gol urganman va keyinroq Rafael Leau bilan gaplashganman. Terma jamoada bir-birimizga qarshi o‘ynaganimiz uchun biz bir-birimizni bilamiz".
23 yoshli shveysariyalik “rossonerilar” bilan 2028 yilgacha mo‘ljallangan shartnoma imzoladi. U Italiya klubida 17-raqam ostida o‘ynaydi.
