"Chelsi" yarim himoyachisi Konor Gallaxer joriy transfer oynasida Londonning boshqa klubiga o‘tishi mumkin, deb xabar bermoqda Evening Standard nashri.
Manbaga ko‘ra, 23 yoshli yarim himoyachi xizmatlariga "Tottenxem" va "Vest Xem" klublari qiziqish bildirmoqda. Futbolchining o‘zi hozirgi klubini tark etishga tayyor.
"Chelsi" yarim himoyachini jamoa standartlariga javob bermasligini tushunib turibdi. E’tiborlisi, "aristokratlar" bosh murabbiyi Maurisio Pochettino Gallaxerni yoqtiradi, biroq murabbiy klub qaroriga rozi bo‘lishga tayyor. Angliyalik yarim himoyachi 40 million yevroga baholangan.
2022/2023 yilgi mavsumda Gallaxer "Chelsi" safida barcha musobaqalarda 45 ta o‘yinda maydonga tushib, 3 ta gol va bitta golli uzatmani amalga oshirgan. Futbolchining London klubi bilan shartnomasi 2025 yilning iyun oyi oxirigacha amal qiladi. Transfermarkt portaliga ko‘ra, futbolchining taxminiy narxi 32 million yevroni tashkil qiladi.
