"Челси" ярим ҳимоячиси Конор Галлахер жорий трансфер ойнасида Лондоннинг бошқа клубига ўтиши мумкин, деб хабар бермоқда Evening Standard нашри.
Манбага кўра, 23 ёшли ярим ҳимоячи хизматларига "Тоттенхэм" ва "Вест Хэм" клублари қизиқиш билдирмоқда. Футболчининг ўзи ҳозирги клубини тарк этишга тайёр.
"Челси" ярим ҳимоячини жамоа стандартларига жавоб бермаслигини тушуниб турибди. Эътиборлиси, "аристократлар" бош мураббийи Маурисио Почеттино Галлахерни ёқтиради, бироқ мураббий клуб қарорига рози бўлишга тайёр. Англиялик ярим ҳимоячи 40 миллион еврога баҳоланган.
2022/2023 йилги мавсумда Галлахер "Челси" сафида барча мусобақаларда 45 та ўйинда майдонга тушиб, 3 та гол ва битта голли узатмани амалга оширган. Футболчининг Лондон клуби билан шартномаси 2025 йилнинг июнь ойи охиригача амал қилади. Transfermarkt порталига кўра, футболчининг тахминий нархи 32 миллион еврони ташкил қилади.
