"PSJ" hujumchisi Kilian Mbappe "Al-Hilol"ga o‘tishni istamayapti, deb xabar beradi Relevo.

Manbaga ko‘ra, 24 yoshli fransiyalik futbolchi Saudiya Arabistonidan klubga o‘tishga rozi bo‘lgandan ko‘ra, mavsumni "PSJ" zaxira o‘rindig‘ida o‘tkazishni afzal ko‘radi. Oldinroq parijliklar rahbariyati Mbappe yozgi transfer oynasida shartnomani uzaytirishdan yoki klubni tark etishdan bosh tortsa, uni zaxira o‘rindig‘iga qo‘yishga tayyorligi haqida xabar berilgandi.

24 iyul kuni “Al-Hilol” Mbappe uchun 300 million yevro taklif qilgani, hujumchining o‘zi esa yiliga 700 million yevro maosh berishga va kelasi yozda “Real”ga tekin o‘tishni kafolatlashga tayyorligi xabar qilingandi.

"Pari Sen-Jermen" "Al-Hilol"ning taklifini qabul qildi, deb xabar beradi Sky Sports.

2022/23 yilgi mavsumda Mbappe jamoa safida barcha turnirlarda 43 ta o‘yinda maydonga tushib, 41 ta gol urdi va 10 ta golli uzatmani amalga oshirdi. Uning jamoa bilan shartnomasi 2024 yilning yoziga qadar mo‘ljallangan. Transfermarkt portali hujumchining narxini 180 million yevroga baholamoqda.