"ПСЖ" ҳужумчиси Килиан Мбаппе "Ал-Ҳилол"га ўтишни истамаяпти, деб хабар беради Relevo.
Манбага кўра, 24 ёшли франциялик футболчи Саудия Арабистонидан клубга ўтишга рози бўлгандан кўра, мавсумни "ПСЖ" захира ўриндиғида ўтказишни афзал кўради. Олдинроқ парижликлар раҳбарияти Мбаппе ёзги трансфер ойнасида шартномани узайтиришдан ёки клубни тарк этишдан бош тортса, уни захира ўриндиғига қўйишга тайёрлиги ҳақида хабар берилганди.
24 июль куни “Ал-Ҳилол” Мбаппе учун 300 миллион евро таклиф қилгани, ҳужумчининг ўзи эса йилига 700 миллион евро маош беришга ва келаси ёзда “Реал”га текин ўтишни кафолатлашга тайёрлиги хабар қилинганди.
"Пари Сен-Жермен" "Ал-Ҳилол"нинг таклифини қабул қилди, деб хабар беради Sky Sports.
2022/23 йилги мавсумда Мбаппе жамоа сафида барча турнирларда 43 та ўйинда майдонга тушиб, 41 та гол урди ва 10 та голли узатмани амалга оширди. Унинг жамоа билан шартномаси 2024 йилнинг ёзига қадар мўлжалланган. Transfermarkt портали ҳужумчининг нархини 180 миллион еврога баҳоламоқда.
