Dortmundning rasmiy sayti "Bavariya"dan Marsel Zabitser bilan shartnoma imzolaganini e’lon qildi. 29 yoshli avstriyalik Dortmundda tibbiy ko‘rikdan muvaffaqiyatli o‘tdi va keyin 2027 yilning 30 iyuniga qadar shartnoma imzoladi.
Zabiser dushanba kuni AQSHga o‘rtoqlik o‘yinlari uchun yig‘inga ketgan jamoaga qo‘shiladi.
"Jamoaga qo‘shilishni va "Borussiya Dortmund" libosini kiyishni intiqlik bilan kutmoqdaman. Klub rahbariyati bilan muzokaralar zo‘r o‘tdi, men klubning kelgusi yillardagi ambisiyalarini tushundim. "Borussiya Dortmund"ning maqsadlariga erishish uchun o‘z hissamni qo‘shishni va muxlislarga imkon qadar tezroq jamoa bilan o‘zgacha bir narsani nishonlash uchun sabab berishni xohlayman", dedi avstriyalik xavbek.
