Дортмунднинг расмий сайти "Бавария"дан Марсел Забитцер билан шартнома имзолаганини эълон қилди. 29 ёшли австриялик Дортмундда тиббий кўрикдан муваффақиятли ўтди ва кейин 2027 йилнинг 30 июнига қадар шартнома имзолади.
Забицер душанба куни АҚШга ўртоқлик ўйинлари учун йиғинга кетган жамоага қўшилади.
"Жамоага қўшилишни ва "Боруссия Дортмунд" либосини кийишни интиқлик билан кутмоқдаман. Клуб раҳбарияти билан музокаралар зўр ўтди, мен клубнинг келгуси йиллардаги амбицияларини тушундим. "Боруссия Дортмунд"нинг мақсадларига эришиш учун ўз ҳиссамни қўшишни ва мухлисларга имкон қадар тезроқ жамоа билан ўзгача бир нарсани нишонлаш учун сабаб беришни хоҳлайман", деди австриялик хавбек.
