"Zenit" hujumchisi Malkomning "Al-Hilol"ga transferi bo‘yicha kelishuv deyarli yakuniga yetdi, deya xabar bermoqda insayder Fabrisio Romano.
Manba bergan xabarga ko‘ra, Saudiya Arabistoni klubi allaqachon barcha hujjatlarni tayyorlab, "Zenit"ga jo‘natgan va piterliklar rahbariyati hozirda ularni tekshirmoqda.
Oldinroq “Zenit” bosh direktori Aleksandr Medvedvev hech qanday bonuslarsiz transfer 60 million yevroni tashkil etishi va to‘lov ikki bo‘lib amalga oshirilishini aytgan edi.
Rossiya terma jamoasi futbolchisining transferi Rossiya futboli tarixidagi eng qimmat transfer bo‘ladi.
