"Зенит" ҳужумчиси Малкомнинг "Ал-Ҳилол"га трансфери бўйича келишув деярли якунига етди, дея хабар бермоқда инсайдер Фабрицио Романо.

Манба берган хабарга кўра, Саудия Арабистони клуби аллақачон барча ҳужжатларни тайёрлаб, "Зенит"га жўнатган ва питерликлар раҳбарияти ҳозирда уларни текширмоқда.

Олдинроқ “Зенит” бош директори Александр Медведвев ҳеч қандай бонусларсиз трансфер 60 миллион еврони ташкил этиши ва тўлов икки бўлиб амалга оширилишини айтган эди.

Россия терма жамоаси футболчисининг трансфери Россия футболи тарихидаги энг қиммат трансфер бўлади.