"Manchester Yunayted" bosh murabbiyi Erik Ten Xag hujumchi topishda muvaffaqiyatga erishganini aytdi.

Meyson Maunt va Andre Onana bilan shartnoma imzolagandan so‘ng, "qizil iblislar" endi hujumchini sotib olishga e’tibor qaratmoqda. “Atalanta” futbolchisi Rasmus Xyoylunn "qizil iblislar"ning birinchi raqamli nishoni sanaladi.

Ten Xagning so‘zlariga ko‘ra, "Manchester Yunayted" to‘g‘ri o‘yinchini topishga yaqinlashmoqda va Erik buni imkon qadar tezroq amalga oshishini xohlaydi.

"Ha, biz muvaffaqiyatga erishdik. Lekin bu qanday ishlashini bilasiz: yangi futbolchi olganimizda, bu haqda sizga to‘g‘ridan-to‘g‘ri aytamiz.

Faqat shuni aytishim mumkinki, biz buni amalga oshirish uchun qo‘limizdan kelgan barcha ishni qilyapmiz. Agar menga bog‘liq bo‘lganida, imkon qadar tezroq qilgan bo‘lardik. Qanchalik tezroq bo‘lsa, shuncha yaxshi, chunki biz uni jamoaga, o‘yin uslubimizga integrasiya qilishimiz kerak.

Ideal vaziyatda u allaqachon shu yerda bo‘lardi, lekin murabbiy sifatida siz doimo ideal vaziyatlarga ega bo‘lavermaysiz va moslashishga to‘g‘ri keladi", - dedi Ten Xag Sky Sports bilan suhbatda.