"Манчестер Юнайтед" бош мураббийи Эрик Тен Хаг ҳужумчи топишда муваффақиятга эришганини айтди.

Мейсон Маунт ва Андре Онана билан шартнома имзолагандан сўнг, "қизил иблислар" энди ҳужумчини сотиб олишга эътибор қаратмоқда. “Аталанта” футболчиси Расмус Хёйлунн "қизил иблислар"нинг биринчи рақамли нишони саналади.

Тен Хагнинг сўзларига кўра, "Манчестер Юнайтед" тўғри ўйинчини топишга яқинлашмоқда ва Эрик буни имкон қадар тезроқ амалга ошишини хоҳлайди.

"Ҳа, биз муваффақиятга эришдик. Лекин бу қандай ишлашини биласиз: янги футболчи олганимизда, бу ҳақда сизга тўғридан-тўғри айтамиз.

Фақат шуни айтишим мумкинки, биз буни амалга ошириш учун қўлимиздан келган барча ишни қиляпмиз. Агар менга боғлиқ бўлганида, имкон қадар тезроқ қилган бўлардик. Қанчалик тезроқ бўлса, шунча яхши, чунки биз уни жамоага, ўйин услубимизга интеграция қилишимиз керак.

Идеал вазиятда у аллақачон шу ерда бўларди, лекин мураббий сифатида сиз доимо идеал вазиятларга эга бўлавермайсиз ва мослашишга тўғри келади", - деди Тен Хаг Sky Sports билан суҳбатда.