"Yuventus" vingeri Timoti Vea klub taklifiga qanday munosabat bildirganini aytdi.

23 yoshli futbolchi iyul oyi boshida Fransiyaning "Lill" jamoasidan "keksa sinyora" safiga qo‘shilgandi. Transfer narxi taxminan 11 million yevroni tashkil qildi.

"Yuventus"dan qo‘ng‘iroq qilishdan bir necha kun oldin men bu jamoada Play Station`da o‘ynaganman. Klub vakillari meni kuzatib borayotganini eshitish juda yoqimli bo‘ldi. "Yuventus"ning qiziqishi haqida bilishim bilanoq, men bu o‘tishni amalga oshirish uchun qo‘limdan kelgan barcha ishni qilishga qaror qildim", - dedi amerikalik vinger Football Italia bilan suhbatda.