"Brayton" yarim himoyachisi Jeremi Sarmiyento 2023/24 yilgi mavsumni "Vest Bromvich"da ijara asosida o‘tkazadi, deb xabar beradi Chempionship klubi rasmiy sayti.
Sarmiyento "Brayton"da 2021 yildan beri to‘p tepib keladi. U o‘tgan mavsumda “chaykalar” safida barcha musobaqalarda 13 ta o‘yin o‘tkazib, 2 ta golli uzatmani amalga oshirgan.
21 yoshli ekvadorlik futbolchining "Brayton" bilan shartnomasi 2027 yilgacha mo‘ljallangan. Transfermarkt portali uning qiymatini 5 million yevroga baholamoqda.













