"PSJ" hujumchisi Kilian Mbappening vakillari "Al-Hilol" bilan 24 yoshli fransiyalik futbolchining Saudiya Arabistoni klubiga o‘tishi mumkin bo‘lgan muzokaralarni boshladi.
AS xabariga ko‘ra, tomonlar shartnoma muddatini muhokama qilishmoqda. Futbolchi bir yillik shartnoma tuzib, keyin "Real"ga o‘tishni istamoqda, klub esa ikki yillik shartnomaga umid qilmoqda.
24 iyul kuni “Al-Hilol” hujumchi uchun “PSJ”ga 300 million yevro taklif qilgani, Mbappening o‘zi esa yiliga 700 million yevro to‘lashga va kelasi yozda “Real”ga tekin o‘tishni kafolatlashga tayyorligi haqida ma’lumot paydo bo‘ldi.
Hujumchining "PSJ" bilan shartnomasi 2024 yilgacha mo‘ljallangan. Biroq futbolchi uni yangilash niyatida emas, bu esa futbolchini transferga qo‘ygan va uni Yaponiya bo‘ylab turnega olib chiqmagan klub rahbariyatiga yoqmadi. Transfermarkt.com saytida Mbappening narxi 180 million yevroga baholanmoqda.
