"ПСЖ" ҳужумчиси Килиан Мбаппенинг вакиллари "Ал-Ҳилол" билан 24 ёшли франциялик футболчининг Саудия Арабистони клубига ўтиши мумкин бўлган музокараларни бошлади.
AS хабарига кўра, томонлар шартнома муддатини муҳокама қилишмоқда. Футболчи бир йиллик шартнома тузиб, кейин "Реал"га ўтишни истамоқда, клуб эса икки йиллик шартномага умид қилмоқда.
24 июль куни “Ал-Ҳилол” ҳужумчи учун “ПСЖ”га 300 миллион евро таклиф қилгани, Мбаппенинг ўзи эса йилига 700 миллион евро тўлашга ва келаси ёзда “Реал”га текин ўтишни кафолатлашга тайёрлиги ҳақида маълумот пайдо бўлди.
Ҳужумчининг "ПСЖ" билан шартномаси 2024 йилгача мўлжалланган. Бироқ футболчи уни янгилаш ниятида эмас, бу эса футболчини трансферга қўйган ва уни Япония бўйлаб турнега олиб чиқмаган клуб раҳбариятига ёқмади. Transfermarkt.com сайтида Мбаппенинг нархи 180 миллион еврога баҳоланмоқда.
