"Barselona" yarimhimoyachisi Ilkay Gyundoganning aytishicha, "Manchester Siti" bosh murabbiyi Pep Gvardiola unga ko‘p narsani o‘rgatgan.
"Manchester Siti"ga o‘tishdan oldin men futbolni bilaman deb o‘ylagandim. 25-26 yoshda edim, ko‘p ko‘rganman. Men Chempionlar ligasi finalida o‘ynadim. Ammo hozir Pep maktabida yetti yil o‘qiganimdan so‘ng shu yerda turib, avvallari futbol haqida hech narsa bilmasdim, derdim. Uning jamoaga va shaxsan menga ta’siri juda katta edi ", - deya Gyundoganning so‘zlarini keltiradi ESPN.
32 yoshli Gyundogan shu yozda kataloniyaliklar bilan 2025 yilgacha shartnoma imzolagan va u yana bir mavsumga uzaytirilishi mumkin.