"Roma" bosh murabbiyi Joze Mourinyo o‘z jamoasida "PSJ"ning rejalarida bo‘lmagan yarimhimoyachi Renatu Sansheshni ko‘rmoqchi. Jurnalist Fabrisio Romanoning yozishicha, rimliklar parijliklar portugaliyalik yarimhimoyachini ijara asosida qo‘yib yuborishlariga umid qilishmoqda.
Manbaning ta’kidlashicha, klublar o‘rtasidagi muzokaralar yaqin kunlarda davom etadi, ammo "PSJ" Sansheshni ijaraga qo‘yib yuborishga tayyormi yoki yo‘qmi, hozircha bir qarorga kelmagan. Parijliklar portugaliyalik bilan doimiy ravishda xayrlashishga tayyor, ammo rahbariyatda boshqa chora qolmasa, futbolchi ijaraga berilishi mumkin.
Sanshesh o‘tgan yozda "Lill"dan "PSJ"ga ko‘chib o‘tgandi, biroq o‘zining birinchi mavsumida muxlislarni hayratda qoldira olmadi.
