"Рома" бош мураббийи Жозе Моуриньо ўз жамоасида "ПСЖ"нинг режаларида бўлмаган яримҳимоячи Ренату Саншешни кўрмоқчи. Журналист Фабрицио Романонинг ёзишича, римликлар парижликлар португалиялик яримҳимоячини ижара асосида қўйиб юборишларига умид қилишмоқда.

Манбанинг таъкидлашича, клублар ўртасидаги музокаралар яқин кунларда давом этади, аммо "ПСЖ" Саншешни ижарага қўйиб юборишга тайёрми ёки йўқми, ҳозирча бир қарорга келмаган. Парижликлар португалиялик билан доимий равишда хайрлашишга тайёр, аммо раҳбариятда бошқа чора қолмаса, футболчи ижарага берилиши мумкин.

Саншеш ўтган ёзда "Лилл"дан "ПСЖ"га кўчиб ўтганди, бироқ ўзининг биринчи мавсумида мухлисларни ҳайратда қолдира олмади.