“Roma” bosh murabbiyi Joze Mourinyo Yevropa ligasining navbatdagi mavsumida to‘rtta o‘yinni o‘tkazib yuboradi.
A Seriya klubi apellyasiya arizasi bilan chiqdi, ammo bu qanoatlantirilmadi. Bu haqda UEFA rasmiy press-relizida aytilgan.
Mourinyo may oyining so‘nggi oqshomida “Sevilya”ga qarshi Yevropa ligasi finalida bosh hakam Entoni Teylorni haqorat qilgani uchun to‘rt o‘yinga diskvalifikasiya qilindi.
Eslatib o‘tamiz, Yevropa ligasi finalida "Roma" "Sevilya"ga penaltilar seriyasida mag‘lub bo‘lgandi. Joze Mourinyo uchun bu faoliyatidagi yevrokuboklar finalidagi ilk mag‘lubiyat bo‘ldi.
