“Рома” бош мураббийи Жозе Моуриньо Европа лигасининг навбатдаги мавсумида тўртта ўйинни ўтказиб юборади.
А Серия клуби апелляция аризаси билан чиқди, аммо бу қаноатлантирилмади. Бу ҳақда УEФА расмий пресс-релизида айтилган.
Моуриньо май ойининг сўнгги оқшомида “Севилья”га қарши Европа лигаси финалида бош ҳакам Энтони Тейлорни ҳақорат қилгани учун тўрт ўйинга дисквалификация қилинди.
Эслатиб ўтамиз, Европа лигаси финалида "Рома" "Севилья"га пенальтилар сериясида мағлуб бўлганди. Жозе Моуриньо учун бу фаолиятидаги еврокубоклар финалидаги илк мағлубият бўлди.
