"Paxtakor" bosh direktori Dmitriy Adisman jamoaning 19 yoshli vingeri Abbosbek Fayzullayevning SSKAga o‘tishi mumkin bo‘lganiga batafsil izoh berdi.

"Yakuniy bosqichda muzokaralar olib borilmoqda. Hammasi ertaga ma’lum bo‘ladi. Lekin biz uni qo‘yib yubormoqchi emasmiz, lekin Fayzullayev SSKAga o‘tishni xohlaydi. Agar o‘yinchi ketaman, desa biz bunga to‘sqinlik qilmaymiz.

"Paxtakor" uchun kelishuv qanchalik muhim? Bizni pul qiziqtirmaydi - faqat natija. Ha, bu jurnal uchun obro‘ bo‘lishi mumkin: SSKAdan futbolchimizga qiziqish haqida maqola yozish. Lekin bu biz uchun futbolchini yo‘qotish. U jamoa va terma jamoaning asosiy futbolchisi. Fayzullayev yosh, endigina chaqnadi, maydonni yaxshi ko‘ra oladi, istiqboli katta. U, albatta, yaxshi!

Biz SSKAda har bir pozisiyada 2-3 nafar futbolchi bo‘lishini va u zaxiradan maydonga tushishini tushunamiz. Futbolchi ishtiyoqli, u SSKAda muntazam o‘ynayman deb o‘ylaydi, bizda esa doimiy o‘yin amaliyotiga ega bo‘ladi, bu yosh futbolchining o‘sishi uchun foyda. SSKA - mustahkam klub, ammo u yerda yo‘qolib qolmasa bo‘ldi...

"Fenerbaxche"dan qiziqish bor edi, lekin futbolchi buni istamadi. Shuning uchun taklif ko‘rib chiqilmadi. Faqat SSKA taklifini ko‘rib chiqilmoqda", - dedi Adisman "Sport24" muxbiri Zarina Xalimxonova bilan suhbatda.