"Пахтакор" бош директори Дмитрий Адисман жамоанинг 19 ёшли вингери Аббосбек Файзуллаевнинг ЦСКАга ўтиши мумкин бўлганига батафсил изоҳ берди.
"Якуний босқичда музокаралар олиб борилмоқда. Ҳаммаси эртага маълум бўлади. Лекин биз уни қўйиб юбормоқчи эмасмиз, лекин Файзуллаев ЦСКАга ўтишни хоҳлайди. Агар ўйинчи кетаман, деса биз бунга тўсқинлик қилмаймиз.
"Пахтакор" учун келишув қанчалик муҳим? Бизни пул қизиқтирмайди - фақат натижа. Ҳа, бу журнал учун обрў бўлиши мумкин: ЦСКАдан футболчимизга қизиқиш ҳақида мақола ёзиш. Лекин бу биз учун футболчини йўқотиш. У жамоа ва терма жамоанинг асосий футболчиси. Файзуллаев ёш, эндигина чақнади, майдонни яхши кўра олади, истиқболи катта. У, албатта, яхши!
Биз ЦСКАда ҳар бир позицияда 2-3 нафар футболчи бўлишини ва у захирадан майдонга тушишини тушунамиз. Футболчи иштиёқли, у ЦСКАда мунтазам ўйнайман деб ўйлайди, бизда эса доимий ўйин амалиётига эга бўлади, бу ёш футболчининг ўсиши учун фойда. ЦСКА - мустаҳкам клуб, аммо у ерда йўқолиб қолмаса бўлди...
"Фенербахче"дан қизиқиш бор эди, лекин футболчи буни истамади. Шунинг учун таклиф кўриб чиқилмади. Фақат ЦСКА таклифини кўриб чиқилмоқда", - деди Адисман "Спорт24" мухбири Зарина Халимхонова билан суҳбатда.
