"Bavariya" "Tottenxem"ga hujumchi Xarri Keyn uchun yangi transfer taklifini tayyorladi.
Ishonchli ma’lumotlarga ko‘ra, yaqin kunlarda klublar yangi yig‘ilish o‘tkazishadi va unda 29 yoshli angliyalikning ehtimoliy transferini muhokama qilishadi. Jurnalist Konstantin Eknerning so‘zlariga ko‘ra, "Bavariya" Keyn uchun bonuslarni hisobga olmaganda taxminan 85 million funt (deyarli 100 million yevro) taklif qiladi. "Tottenxem" bunday shartlarni qabul qilishga tayyormi yoki yo‘qmi hozircha aniq emas.
Transfermarkt ekspertlari Xarri Keynning narxini 90 million yevroga baholamoqda. Yulduz hujumchining “Tottenxem” bilan shartnomasi 2023/24 yilgi mavsum oxirida yakuniga yetadi.













