"Бавария" "Тоттенхэм"га ҳужумчи Харри Кейн учун янги трансфер таклифини тайёрлади.
Ишончли маълумотларга кўра, яқин кунларда клублар янги йиғилиш ўтказишади ва унда 29 ёшли англияликнинг эҳтимолий трансферини муҳокама қилишади. Журналист Константин Экнернинг сўзларига кўра, "Бавария" Кейн учун бонусларни ҳисобга олмаганда тахминан 85 миллион фунт (деярли 100 миллион евро) таклиф қилади. "Тоттенхэм" бундай шартларни қабул қилишга тайёрми ёки йўқми ҳозирча аниқ эмас.
Transfermarkt экспертлари Харри Кейннинг нархини 90 миллион еврога баҳоламоқда. Юлдуз ҳужумчининг “Тоттенхэм” билан шартномаси 2023/24 йилги мавсум охирида якунига етади.
