"An-Nasr" "Bavariya" hujumchisi Sadio Maneni Arab kubogi uchun qaydnomaga kiritdi. Bu haqda Ariyadhiah nashri xabar bermoqda.

Manba bergan xabarga ko‘ra, Saudiya Arabistoni klubi senegallik futbolchining transferi borasida klub mutasaddilari va futbolchining agenti bilan Tokiodagi uchrashuvidan so‘ng kelishuvga erishishga yaqin turibdi.

Oldinroq "An-Nasr" 32 million yevro va bonuslar to‘lashga tayyorligi xabar qilingandi.

Mane o‘tgan mavsumda "Bavariya" safida barcha turnirlar doirasida 38 ta o‘yinda maydonga tushib, 12 ta gol urdi va 6 ta golli uzatmani amalga oshirdi.