Fransiyaning "PSJ" klubi tez orada hujumchi Kilian Mbappeni sotish uchun "Real" bilan bog‘lanishi mumkin.

Klublar o‘rtasidagi munosabatlar hozir juda tarang, biroq jurnalist Andres Onrubia Ramosning ma’lumotlariga ko‘ra, parijliklar endi vaziyatning umidsizligini tushunishgan va Mbappe faqat "Real Madrid"ga o‘tishni istayotganini bildi.

Avvalroq "0PSJ" Kilianni "Al-Hilol"ga 300 million yevroga sotishga rozi bo‘lgandi. Futbolchining o‘ziga imidj huquqlarini hisobga olgan holda yiliga 700 million yevro maosh taklif qilishgan, biroq Mbappe Saudiya Arabistoniga o‘tishdan bosh tortgan.

Shartnoma muddati bir yildan keyin tugashini hisobga olib, "Real Madrid" Kilian uchun katta miqdorda tovon puli to‘lashga tayyor emas.