"Brayton" sardori va markaziy himoyachisi Lyuis Dank "Chelsi" bilan shartnoma bo‘yicha kelishib olgan va London klubiga o‘tishni kutayotgan yarim himoyachi Moyses Kaysedo bilan bog‘liq vaziyat haqida gapirdi.
“Bu birinchi marta sodir bo‘lmoqda va kelajakda ham shunga o‘xshash holatlar bo‘ladi. Hozir Kaysedo boshi berk ko‘chada. Biz uning ketishini xohlamaymiz. Umid qilamizki, Moyses qoladi va biz uni xursand qila olamiz", - deya Dank so‘zlarini keltirmoqda Football Daily.
Eslatib o‘tamiz, "Brayton" Kaysedo uchun taxminan 120 million yevro talab qilmoqda, "Chelsi" esa "chaykalar"ning talabini qondirishga hali tayyor emas.
