Yarim himoyachi Fred yaqin kelajakda "Manchester Yunayted"ni tark etadi. Jurnalist Ross Xarvudning ijtimoiy tarmoqlarda xabar berishicha, 30 yoshli braziliyalik futbolchining o‘zi yo "Galatasaroy" yoki "Fulxem" klubiga o‘tmoqchi.

Qayd etilishicha, “Galatasaroy” hozir “Fulxem”dan ko‘ra Fredni qo‘lga kiritishga yaqinroq, biroq ikkala variant ham amalga oshishi mumkin.

Fred "Manchester Yunayted"da besh mavsum o‘tkazdi. Bu vaqt ichida braziliyalik 213 ta rasmiy o‘yinda qatnashib, 14 ta gol urdi va 19 ta golli uzatma amalga oshirdi.