«Manchester Siti» yarim himoyachisi Mateo Kovachich hamyurti Yoshko Gvardiolning jamoaga kelishi mumkinligi haqidagi fikrlari bilan o‘rtoqlashdi.

«Shaharliklar» «RB Leypsig»dan 21 yoshli markaziy himoyachi bilan shartnoma imzolashga yaqin turibdi. Gvardiolning o‘zi, turli manbalarga ko‘ra, allaqachon bu transferga rozi bo‘lgan.

«U muhim o‘yinlar nima ekanligini biladi va u bu yerga ko‘chib o‘tishga tayyor. Menimcha, hozir buning uchun to‘g‘ri vaqt. «Manchester Siti»da o‘rganish uchun ko‘p narsa bor, ehtimol tarixdagi eng yaxshi murabbiy oldiga kelayotgandir.

Yoshko hali juda yosh, lekin allaqachon tajribali va yetuk salohiyatga ega. Albatta, agar jamoada yana bir xorvat paydo bo‘lsa, juda xursand bo‘lardim», - deya yarim himoyachining so‘zlaridan iqtibos keltiradi jurnalist Jek Gagan.