Xorvatiyalik himoyachi Duye Chaleta-Sar Fransiyaning “Lion” klubiga o‘tishga yaqin turibdi. Uning hozirgi klubi - Angliyaning "Sautgempton" klubi 25 yoshli futbolchining transferiga rozi bo‘ldi.
Jurnalist Mayk Makgratning ijtimoiy tarmoqlarda xabar berishicha, kelishuv besh million yevroni tashkil qiladi. Bugun, 2 avgust kuni Chaleta-Sar "Lion" bilan shartnoma imzolashdan oldin tibbiy ko‘rikdan o‘tadi.
Himoyachi o‘tgan mavsumda "Sautgempton" tarkibida APLda 13 ta o‘yinda maydonga tushdi. Futbolchi bitta gol urdi va ikkita golli uzatmani amalga oshirdi. 2022/2023 yilgi mavsum yakunlariga ko‘ra, jamoa APLni tark etdi.
