Gleyzerlar oilasi "Manchester Yunayted"ning sotilishini to‘xtatib qo‘ydi.
Eslatib o‘tamiz, Gleyzerlar o‘tgan yilning noyabr oyida "MYU"ni sotishga tayyorligini oshkora tasdiqlagan edi. Dastlab, bahorda yoki hech bo‘lmaganda yozgi transfer oynasi ochilishidan oldin "MYU" klubi yangi xo‘jayin topishi kutilgandi.
Bu umidlar ro‘yobga chiqmadi, chunki potensial xaridorlarning hech biri, shu jumladan Shayx Jassim va ser Jim Retkliff Gleyzerlar o‘z aktivlarini baholagan 6 milliard funt sterlingni to‘lashga rozi bo‘lmadilar.
News nashri xabariga ko‘ra, Shayx Jassim va Retkliff hali ham kelishuvga erishishga tayyor, ammo Gleyzerlar oilasi hali yakuniy javobni berishmagan va hozircha buni rejalashtirmagan.
Aka-uka Avram va Joel Gleyzerlar takliflarning sonidan hafsalasi pir bo‘lib, "MYU"ni sotishni yaxshiroq vaqtgacha kechiktirishga tayyor. Amerikaliklar Premyer-liganing televideniye bo‘yicha yangi kelishuvi, Angliya chempionatining AQSHda o‘tkazilishi va Chempionlar Ligasining yangi formati ularga kelajakda ko‘proq pul ishlash imkonini beradi, deb hisoblashadi.
Bundan tashqari, Nyu-York birjasi ro‘yxatiga kiritilgan "Manchester Yunayted" aksiyalari seshanba kuni 8% dan ko‘proq pasayishi haqidagi yangilikka munosabat bildirdi.
