Глейзерлар оиласи "Манчестер Юнайтед"нинг сотилишини тўхтатиб қўйди.
Эслатиб ўтамиз, Глейзерлар ўтган йилнинг ноябрь ойида "МЮ"ни сотишга тайёрлигини ошкора тасдиқлаган эди. Дастлаб, баҳорда ёки ҳеч бўлмаганда ёзги трансфер ойнаси очилишидан олдин "МЮ" клуби янги хўжайин топиши кутилганди.
Бу умидлар рўёбга чиқмади, чунки потенциал харидорларнинг ҳеч бири, шу жумладан Шайх Жассим ва сэр Жим Рэтклифф Глейзерлар ўз активларини баҳолаган 6 миллиард фунт стерлингни тўлашга рози бўлмадилар.
News нашри хабарига кўра, Шайх Жассим ва Рэтклифф ҳали ҳам келишувга эришишга тайёр, аммо Глейзерлар оиласи ҳали якуний жавобни беришмаган ва ҳозирча буни режалаштирмаган.
Ака-ука Аврам ва Жоэл Глейзерлар таклифларнинг сонидан ҳафсаласи пир бўлиб, "МЮ"ни сотишни яхшироқ вақтгача кечиктиришга тайёр. Америкаликлар Премьер-лиганинг телевидение бўйича янги келишуви, Англия чемпионатининг АҚШда ўтказилиши ва Чемпионлар Лигасининг янги формати уларга келажакда кўпроқ пул ишлаш имконини беради, деб ҳисоблашади.
Бундан ташқари, Нью-Йорк биржаси рўйхатига киритилган "Манчестер Юнайтед" акциялари сешанба куни 8% дан кўпроқ пасайиши ҳақидаги янгиликка муносабат билдирди.
