Insayder Ben Jeykobsning so‘zlariga ko‘ra, "PSJ" hujumchisi Kilian Mbappe klubning shartnomani uzaytirish borasidagi yangi taklifini rad etdi.
Manbaning xabariga ko‘ra, parijliklar kelasi yozda jamoani tark etishga ruxsat beruvchi bandni o‘z ichiga olgan kelishuv shartlarini taklif qilmoqchi bo‘lgan. 24 yoshli fransiyalik futbolchi bu variantni ko‘rib chiqmayapti, chunki gap shartnomani bekor qilish haqida emas, transfer haqida ketmoqda.
Oldinroq Mbappe rahbariyatning kelajagi haqida qaror qabul qilish borasidagi talablariga o‘z vaqtida javob bermagandi - u jamoada yana bir mavsum o‘tkazmoqchi, keyin esa erkin agent sifatida ketmoqchi. "PSJ" Kilianning "Real" bilan kelishuvi borligiga ishonchi komil.
Shuningdek, hujumchi Saudiyaning "Al-Hilol" klubiga o‘tishni rad etdi, u yerda yiliga 700 million yevro ishlab olishi mumkin edi.
