Turinning “Yuventus” klubi va Italiya terma jamoasining sobiq bosh murabbiyi Marchello Lippi Saudiya Arabistoni klublarining o‘yinchilarni sotib olish uchun sarflayotgan mablag‘laridan hayratda.

Lippining fikricha, Yevropa futboli moliyaviy imkoniyatlar bo‘yicha arablarga raqobatda yaqqol yutqazmoqda.

"Saudiya Arabistonidan kelayotgan takliflar, albatta, joriy mavsumda bozorga kuchli ta’sir o‘tkazmoqda.

Bu aql bovar qilmaydigan raqamlardir, ular bilan Yevropa futboli raqobatlasha olmaydi. Bu Xitoy yoki Amerika bilan bo‘lgan vaziyatdan farq qiladi, chunki saudiyaliklar to‘xtamayaptilar va tom ma’noda barcha eng yaxshi o‘yinchilarni olishni xohlamoqda.

Albatta, o‘z faoliyatini yakunlayotgan futbolchilar haqida o‘ylash kerak bo‘ladi", deya Lippining so‘zlaridan iqtibos keltirgan Italiyaning ITASportPress agentligi.