Туриннинг “Ювентус” клуби ва Италия терма жамоасининг собиқ бош мураббийи Марчелло Липпи Саудия Арабистони клубларининг ўйинчиларни сотиб олиш учун сарфлаётган маблағларидан ҳайратда.
Липпининг фикрича, Европа футболи молиявий имкониятлар бўйича арабларга рақобатда яққол ютқазмоқда.
"Саудия Арабистонидан келаётган таклифлар, албатта, жорий мавсумда бозорга кучли таъсир ўтказмоқда.
Бу ақл бовар қилмайдиган рақамлардир, улар билан Европа футболи рақобатлаша олмайди. Бу Хитой ёки Америка билан бўлган вазиятдан фарқ қилади, чунки саудияликлар тўхтамаяптилар ва том маънода барча энг яхши ўйинчиларни олишни хоҳламоқда.
Албатта, ўз фаолиятини якунлаётган футболчилар ҳақида ўйлаш керак бўлади", дея Липпининг сўзларидан иқтибос келтирган Италиянинг ITASportPress агентлиги.
