Taekvondo WT bo‘yicha O‘zbekiston terma jamoasi yetakchilaridan biri Svetlana Osipova faoliyatidagi sovrinlar qatoriga Butunjahon yozgi Universiada o‘yinlarining medalini ham qo‘shib qo‘ydi.

Bugun yurtdoshimiz -73 kg vazn toifasida kechgan bellashuvlarda bronza medaliga sazovor bo‘ldi. Osipova murosasiz kechgan yarim final bahsida xitoylik Zesi Chjouga imkoniyatni boy berib qo‘ydi va shohsupaning uchinchi pog‘onasidan joy oldi.

Shuning bilan, delegasiyamizning musobaqadagi medallari 7 ta kumush va 4 ta bronzaga yetdi.