Saudiyaning "Al-Ahli" klubi yarim himoyachi Frank Kessye bo‘yicha "Barselona"ga rasmiy taklif bilan chiqdi. Bu haqda insayder Fabrisio Romano o‘zining ijtimoiy tarmoqlarda xabar tarqatdi.
"Al-Ahli" Kessyeni sotib olish uchun rasmiy taklif bilan chiqdi, "Barselona"ga futbolchi uchun 15 mln yevro taklif qilingan. Futbolchi allaqachon klub taklif qilgan 3 yillik shartnomani qabul qilgan. Kelishuv yakuniga juda yaqin" - deb post qoldirdi Romano.
Eslatib o‘tamiz, 26 yoshli ivuarlik futbolchi o‘tgan yozdan beri "Barselona"da o‘ynab kelmoqda. Ilgari yarim himoyachi yetti yil davomida Italiyada “Atalanta”, “Chezena” va “Milan” jamoalarida o‘ynagan.
Eduard Mendi, Roberto Firmino, Riyod Mahrez va Allan Sent-Maksimenlar yozda “Al-Ahli”ga ko‘chib o‘tishgan.
