Саудиянинг "Ал-Аҳли" клуби ярим ҳимоячи Франк Кессье бўйича "Барселона"га расмий таклиф билан чиқди. Бу ҳақда инсайдер Фабрицио Романо ўзининг ижтимоий тармоқларда хабар тарқатди.
"Ал-Аҳли" Кессьени сотиб олиш учун расмий таклиф билан чиқди, "Барселона"га футболчи учун 15 млн евро таклиф қилинган. Футболчи аллақачон клуб таклиф қилган 3 йиллик шартномани қабул қилган. Келишув якунига жуда яқин" - деб пост қолдирди Романо.
Эслатиб ўтамиз, 26 ёшли ивуарлик футболчи ўтган ёздан бери "Барселона"да ўйнаб келмоқда. Илгари ярим ҳимоячи етти йил давомида Италияда “Аталанта”, “Чезена” ва “Милан” жамоаларида ўйнаган.
Эдуард Менди, Роберто Фирмино, Риёд Маҳрез ва Аллан Сент-Максименлар ёзда “Ал-Аҳли”га кўчиб ўтишган.
