"Real" bosh murabbiyi Karlo Anchelotti madridliklarning mavsumoldi yakunlari haqida fikr bildirdi.
“Jamoaga 10 balldan 6 ball bergan bo‘lardim. Mudofaa masalalarini hal qilish kerak. Hujum meni bezovta qilmaydi - biz ko‘p narsa yaratdik. O‘ylaymanki, to‘rtta uchrashuvda ham o‘yinning borishini nazorat qildik.
Tuzatish kerak bo‘lgan narsalar bor, lekin bu jamoaviy muammo. Raqib bosimni oshirganida ko‘p gol o‘tkazib yubordik. Biz bu borada qiyinchilikka duch keldik", - deya murabbiyning so‘zlarini keltiradi Marca.
Mavsum oldidan “Real” “Milan” (3:2) va “Manchester Yunayted”ni (2:0) mag‘lub etgan bo‘lsa-da, “Barselona” (0:3) va “Yuventus”ga (1:3) imkoniyatni boy berdi.
12 avgust kuni madridliklar Ispaniya chempionati 1-turi doirasida "Atletik" bilan uchrashadi.
