"Реал" бош мураббийи Карло Анчелотти мадридликларнинг мавсумолди якунлари ҳақида фикр билдирди.
“Жамоага 10 баллдан 6 балл берган бўлардим. Мудофаа масалаларини ҳал қилиш керак. Ҳужум мени безовта қилмайди - биз кўп нарса яратдик. Ўйлайманки, тўртта учрашувда ҳам ўйиннинг боришини назорат қилдик.
Тузатиш керак бўлган нарсалар бор, лекин бу жамоавий муаммо. Рақиб босимни оширганида кўп гол ўтказиб юбордик. Биз бу борада қийинчиликка дуч келдик", - дея мураббийнинг сўзларини келтиради Marca.
Мавсум олдидан “Реал” “Милан” (3:2) ва “Манчестер Юнайтед”ни (2:0) мағлуб этган бўлса-да, “Барселона” (0:3) ва “Ювентус”га (1:3) имкониятни бой берди.
12 август куни мадридликлар Испания чемпионати 1-тури доирасида "Атлетик" билан учрашади.
