"Arsenal" bosh murabbiyi Mikel Arteta Deklan Raysning transferi bo‘yicha muzokaralarning borishi haqida gapirdi.
24 yoshli yarim himoyachi "Vest Xem"dan 116 million yevro evaziga "kanonirlar" safiga qo‘shildi. Kelishuv iyul oyi o‘rtalarida rasman tasdiqlangan. "Bolg‘achilar" yulduziga "Manchester Siti" ham da’vogarlik qilgandi.
“Biz unga u va uning roli haqida qanday fikrda ekanimizni, qanday jamoa qurayotganimizni aytdik. Biz bu o‘tishni amalga oshirish uchun juda ko‘p harakat qildik. Muhokamalar nafaqat u bilan, balki uning oilasi bilan ham o‘tkazildi. Hozir biz bilan Deklan borligidan juda xursandmiz”, dedi Arteta 6 avgust kuni Angliya Superkubogi doirasida bo‘lib o‘tadigan “Manchester Siti”ga qarshi o‘yin oldidan o‘tkazilgan matbuot anjumanida.
